ನಾಯಿಮರಿ ನಾಯಿಮರಿ

Posted by on ಆಗಸ್ಟ್ 20, 2018 in ಓದಿ ಕಲಿ, ಕವನ | 0 comments

ನಾಯಿಮರಿ ನಾಯಿಮರಿ ತಿಂಡಿ ಬೇಕೆ

ತಿಂಡಿ ಬೇಕು ತೀರ್ಥ ಬೇಕು ಎಲ್ಲ ಬೇಕು

ನಾಯಿಮರಿ ನಿನಗೆ ತಿಂಡಿ ಏಕೆ ಬೇಕು
ತಿಂದು ಗಟ್ಟಿಯಾಗಿ ಮನೆಯ ಕಾಯಬೇಕು

ನಾಯಿಮರಿ ಕಳ್ಳ ಬಂದರೇನು ಮಾಡುವೆ
ಕ್ವೊಂ ಕ್ವೊಂ ಬೌ ಎಂದು ಕೂಗಿ ಪಾಡುವೆ

ಜಾಣಮರಿ ತಾಳು ಹೋಗಿ ತಿಂಡಿ ತರುವೆನು
ತಾ ನಿನ್ನ ಮನೆಯ ನಾನು ಕಾಯುತಿರುವೆನು

            —ಜಿ. ಪಿ. ರಾಜರತ್ನಂ

ಬಣ್ಣದ ತಗಡಿನ ತುತ್ತೂರಿ…

Posted by on ಆಗಸ್ಟ್ 18, 2018 in ಓದಿ ಕಲಿ, ಕವನ | 0 comments

ಜಿ. ಪಿ. ರಾಜರತ್ನಂ

ಬಣ್ಣದ ತಗಡಿನ ತುತ್ತೂರಿ
ಕಾಸಿಗೆ ಕೊಂಡನು ಕಸ್ತೂರಿ
ಸರಿಗಮಪದನಿಸ ಊದಿದನು
ಸನಿದಪಮಗರಿಸ ಊದಿದನು

ತನಗೆ ತುತ್ತೂರಿ ಇದೆಯೆಂದು ಬೆರಾರಿಗು ಅದು ಇಲ್ಲೆಂದ
ತುತ್ತುರಿ ಊದಿದ ಕೊಳದ ಬಳಿ ಕಸ್ತುರಿ ನಡದನು ಬೀದೆಯಲಿ
ಜಂಬದ ಕೋಳಿಯ ರೀತಿಯಲಿ

ಜಾರಿತು ನೀರಿಗೆ ತುತ್ತೂರಿ ಗಂಟಲು ಕಟ್ಟಿತು ನೀರೂರಿ
ಸರಿಗಮ ಊದಲು ನೋಡಿದನು ಗಗಗಗ ಸದ್ದನು ಮಾಡಿದನು
ಬಣ್ಣವು ನೀರಿನ ಪಾಲಾಯ್ತು ಜಂಬದಕೋಳಿಗೆ ಗೋಳಾಯ್ತು

– ಜಿ.ಪಿ. ರಾಜರತ್ನಂ

ಕನಡ ನಾಡಿನ ಕಂದನಿಗೆ

Posted by admin on ಆಗಸ್ಟ್ 17, 2018 in ಓದಿ ಕಲಿ, ಕವನ | 0 comments

ಕನ್ನಡ ನಾಡಿನ ಕಂದ!
ನಿನ ಕೊರಲಿಗಿದು ಚಂದ!

ನಮ್ಮ ನಾಡಿನಲಿ ನಿಂದ
ಕವಿಗಳ ಬೊಕ್ಕಸದಿಂದ
ನಿನಗೆಂದಾರಿಸಿ ತಂದ
ಕಾವ್ಯಮಾಲೆಯಿದು ಕಂದ!

ಕನ್ನಡ ನಾಡಿನ ಕಂದ!
ನಿನ್ನ ಕೊರಲಿಗಿದು ಚಂದ!

ಬರೆದವರು: ಜಿ. ಪಿ. ರಾಜರತ್ನಂ
ಪುಸ್ತಕ: ಕಂದನ ಕಾವ್ಯಮಾಲೆ
ಪ್ರಕಟಿತ ವರ್ಷ: ೧೯೩೩
ಪ್ರಕಟಿಸಿದವರು: ರಾಮಮೋಹನ ಕಂಪೆನಿ